طـعـنـة الـغـآلـي ,,,

طـعـنـة الـغـآلـي ,,,

,
,
,

من كم سنه وأشياء تخطر في بالي
عن الهوى والعشق والشوق والبوح

وأيقنت أن القلب لا صار خالي
أحسن ولا قلب(ن) من الحب مذبوح

لا جاتك الطعنه من أنسان غالي
بالضبط تشبه في الألم طلعة الروح

ابسألك وأبغى جواب لـ سؤالي
وش ذنب قلبي يوم تطعنه وتروح

من عقبكم مدري وش اللي جرالي
بس الأكيد أني من البعد مجروح

أبعد خلاص أرجوك وأنسى وصالي
وعن كل جرح اليوم ياصاح مسموح

علقت بك ياصاحبي كل آآمــــــالي
وبنيت لك فالحب في قلبي صروح

بس أكتشفت أنك مع الوقت سالي
والغدر واضح في عيونك ومفضوح

أللي تكلم فيني عندك حكــــالي
وسبـَـبّ فراق أثنين من غير مصلوح

ياصاحبي دامك كذا ماتبالي
ودام الهوى عندك تسالي مع مزوح

الله يعين أللي يحبك بدالي
مصير قلبه يشكي الضيم وينوح

دام الهوى صار بـزّمـنـّـا تسالي
مالي ومال الهم والحزن والنوح