بروق النهايه

في سمانا لاحت بروق النهايه
والسبب كذب المشاعر في هوانا
كذبة تمسح عناوين البدايه
من سببها ماتحملنا عنانا
صارت ايام الغلا مثل الحكايه
بس نسمعها مع الذكرى ورانا
مادريت ان الغدر عندك هوايه
احسب انك تنتظر لحظة لقانا
واثرك اللي حط له مقصد وغايه
ومن وصلته وانت تعلن عن شقانا
كنت اقول انك بدنيا الحب ايه
مادريت انك تنكر من غلانا
بس اقول لسابق ايامي كفايه
استرح ياقلب وانسى من نسانا
واعتبر مامر فصل في روايه
والسبب غدر المشاعر في هوانا

,

كلماتك رائعة

دعتني لاقف مطولا عندها

لانك عندما تبحر تنفرد

وعندما تكتبِ تغرد لك الطيور

وعندما تبدع نصفق لك بحراره شديده

لا تحرمينا من روائعك ..